برسم بلدية زحلة
كل ما بمر على البولفار بيستوقفني هل مدفع المنصوب بنص المديني بما سميتوه ساحة الجيش
يا جماعة جيشنا بالقلب و الوجدان و هو مفخرتنا و حامي الكيان ، كتير حلو نفكر فيه بساحة او نصب بس بدل هل مدفع يللي منظره صادم فينا نعمل حديقة ورود رائعة بشم عطرها كل عابر سبيل
المدفع يا كرام نوجد ليحمي لحدود ، اما بالمدن شبعنا من نتائج وجوده موت و دمار و تخلف
بدنا مدننا جنات جمال و سلام تشجع على ثقافة الحياة
ملاحظة : هل فكرتو لحظة شو بدو يقول هل سايح لما يشوف مدفع منصوب مش بموقعو
بتمنى على البلدية تصحيح هل غلطة باسرع وقت و بتمنى على قيادة الجيش يللي كلنا ثقة بحكمتها و حرصها على الوطن و الانسان بهل وطن سحب هل مدفع الى مكانه الطبيعي
ابراهيم فؤاد مسلم